خبریں انٹرنیشنل

Friday, September 10, 2010

آرٹیکلز

متحدہ انقلاب کے نام پر بڑے خون خرابے کی تیاریوں میں مصروف

پاکستان امریکہ کیساتھ وفود کا تبادلہ روک دے

ٹھٹھہ: متاثرین سے پوچھا جاتا ہے ووٹ کسے دیا تھا

پاکستانی کرکٹرز کو ہوٹل سے گرفتار کیا گیا

آج صرف ہم بھوک سے مر رہے ہیں، کل سب مریں گے

مزید آرٹیکلز ۔ ۔ ۔

طیارے کا بلیک باکس نہیں ملا، رحمان ملک کا انکشاف

عائشہ تمیمی، کراچی، پاکستان

      اسلام آباد : وفاقی وزیر داخلہ رحمان ملک نے تصدیق کی ہے کہ طیارہ حادثہ میں جاں بحق افراد کی 66 لاشیں لواحقین کے حوالے کر دی گئی ہیں ،طیارے کا بلیک باکس ابھی تک نہیں مل سکا ۔

       اسلام آباد میں میڈیا سے گفتگو کرتے ہوئے انہوں نے کہا کہ چودہ لاشیں فنگر پرنٹس کے ذریعے شناخت کی گئی ہیں اور یہ فنگر پرنٹس مرنے والوں کے والدین کے لیے گئے ۔ رحمان ملک نے بتایا کہ گزشتہ روز تباہ ہونے والے طیارے سے بلیک باکس نما کوئی چیز ملی تھی تاہم بعد میں پتہ چلا کہ یہ بلیک باکس نہیں تھا ۔

       طیارہ حادثہ میں تخریب کاری کے عنصر سے متعلق سوال کے جواب میں رحمان ملک کا کہنا تھا کہ اس حوالے سے تحقیقات کا حکم دے دیا گیا ہے اور یہ تحقیقات سول ایوی ایشن کرے گی کیونکہ یہ اسی ادارے کا کام ہے ، وزارت داخلہ کا نہیں ۔

       انہوں نے بتایا کہ لاشوں کو گھر منتقل کرنے کا تمام خرچہ حکومت برداشت کرے گی اور یہ خبریں درست نہیں کہ کسی کو ایمبولینس سروس فراہم نہ کی گئی ہو ۔ وزیر داخلہ نے کہا کہ ریسکیو آپریشن انتہائی کامیابی سے کیا گیا اور اگر موسم اجازت دے تو شام تک آپریشن مکمل کر لیا جائے گا ۔

       رحمان ملک نے کہا کہ گزشتہ روز انہیں معلوم ہوا تھا کہ جاں بحق ہونے والوں کے لواحقین کو پریشانی کا سامنا ہے جس پر انہوں نے نادرا کو ہدایت کی تھی کہ ورثاءکے تمام مسائل حل کریں اور سی ڈی اے کو اضافی نفری بھی فراہم کی گئی ۔